2017年7月19日 星期三

不只觀感懷舊。味覺也懷舊了。十下

睇完無記的馬家開飯
朋友就立即要約一個飯局
講明要去十下打邊邊
想有家嘅感覺wor


  其實未又係想呃like
D懷舊想post下囉


好多時打邊邊嘅環境都會好迫
不過十下又好鬼寬敞
空間感好好


所以所以佈置都好明顯
霓虹光管、復古佈置、舊款雪櫃暖水壺收銀處..仲有細緻到日曆、懷舊餐具都有


我地叫定飲先
一罐罐可樂啤酒其實好似咁抵

所以我地叫左清熱飲品
一瓶瓶自家製(跟餐 +$10)

餐牌有幾款SET
4個人無理由叫2SET架嘛
所以我地就叫左一SET「十下二人精選套餐」 ($358/)
之後再加其他散叫食物


二人套餐湯底四選一
有白玉菊花、卜卜蜆、龍蝦鮑魚海鮮鍋 (須另加$40)  及火瞳花膠魚肚雞湯

龍蝦花膠之戰我同朋友死不退讓
最後我火瞳花膠魚肚雞湯勝出

雞湯已經到起骨
仲有素翅、金華火腿、魚肚、杞子及紅棗
最正係有好多條花膠

唔係吹水到溶左個D

雞湯帶點保健的藥味
所以有點甘甜
先喝一碗是常識吧!

加湯真係比湯你

唔係加水咁cheap lor

Oh.... 掛住飲湯忘了身後的混醬車

木盤上有  款醬料
麻油、豉油、金蒜粒、紅椒、蔥花、辣醬、麻醬、蒜蓉
好整潔
唔會係D邊位有


圓碟上是三星蔥醬爆貢丸和蒜味香腸
貢丸用上台灣宜蘭三星蔥
要慢慢吃因為有爆炸性的爆醬

肉汁多
到有一半湯匙
而另一款是台灣燒起來很香脆的蒜味香腸
灼當然沒有燒的咁好吃啦


大刀手切本地肥牛
是頸脊部位
鮮紅色雪花平均
牛味濃
雖然不是什麼頂級牛肉
但要比較起來都不差


牛胸膀近幾次打邊爐到幾乎次次食
是牛前胸的脂肪

但不能多吃因為太有飽肚感
我愛吃它那脆爽感及極重牛味
不要誤會它是片油油的脂肪喔!


十下三寶滑是較懷舊的食物
馬蹄牛筋滑、鮮打鹽蛋黃蝦滑、臘腸鯪魚滑
蝦滑加入鹹蛋黃粒

鹹香配爽蝦原來這麼特別
另外我一向不會選的鯪魚滑也比我想像中特別
加入臘腸更加好口感
而且臘腸的香味癖走了鯪魚一般的腥味
這兩款懷舊我第一次吃
890後一定要試試


懷舊果皮魚蛋
係街度食得多
一串串咁食同打邊爐食其實真係有少少分別
一般打邊爐都會用四海魚蛋之類比較彈身的
但係陳皮魚蛋嘅口感更嘅煙


黑松露帶子餃同鮮蝦水餃王個比較
我就比較鍾意鮮蝦水餃王
咬落去帶有少少芹菜香
而且鮮蝦大大隻
而黑松露帶子餃可能黑松露太多的關係
蓋過了裏面帶子嘅鮮味
而且唔係原粒帶子
應該係切碎所以口感一般


脆炸響鈴、脆炸魚骨及脆炸魚皮
響鈴脆身
浸足5秒再拎上黎都唔會太淋


脆炸魚骨及魚皮都分別用缽仔盛著
脆炸魚骨我朋友唔食魚都話好食
冇魚腥味而且極脆口
唔係到處食到所以得試
比起魚骨 我就較喜歡魚皮
因為薄身D


另一推介係寬冬粉
寬冬粉用綠豆粉造
煮差不多5分鐘至晶瑩剔透就食得
煙韌帶彈性
比烏冬更飽肚


蔬菜拼盤分量太多
哈哈,我不是好菜之人
一大籃厚身鮮冬菇、娃娃菜、唐生菜、蘿蔔片及粟米
四個人都食唔晒


  

味道 *****
環境 *****
服務*****
衛生****
抵食****


十下
地址:銅鑼灣銅鑼灣登龍街28號永光中心2
電話:3520 4111

「此乃個人感受」

沒有留言:

張貼留言